Festas da Virxe do Carme

Como vila mariñeira, Marín celebra multitudinariamente a Virxe do Carme. As festas empezan con pasarúas e concertos, mostras de artesanía e espectáculos infantís, pero rompe coas misas e o paseo dos fachos, a tradicional ofrenda floral e a procesión marítimo-terrestre da talla da Virxe co colofón de fogos artificiais. Unha festividade moi sentida en toda Galicia e, especialmente, no noso municipio que merece ser vivida en primeira persoa.