Entroido e Enterro da Sardiña

Desde o século XIX existen documentos que proban esta singular celebración en Marín. O espírito do Entroido apodérase das rúas con desfiles e charangas para pequenos e maiores, pero o prato forte chega co Enterro da Sardiña, o Mércores de Cinza, acto central de Interese Turístico Galego co tradicional velorio, pasarúas e sermón de despedida, tomando pan de millo con viño tinto, e vivindo a “Ladaíña”, unha composición centenaria que invoca aos peixes bos e malos mentres a comitiva pon rumbo en procesión ata o Porto para devolver a Sardiña ao mar.