Coñece Marín

Mergúllate na vida mariñeira da vila percorrendo as súas rúas, casas de pescadores e corsarios, visitando o Museo do Mar, mesturándote cos mercantes da Praza de Abastos, refrescándote no Paseo Alcalde Blanco ou achegándote ata o gran porto.

Temos moito mar en Marín, e ás veces é difícil escoller a que praia ir. Pero, se nos preguntan, diremos que unha das nosas favoritas é a do Santo: as súas augas tranquilas, a area fina e un illote con moita historia e vestixios por descubrir.

Neste remanso de paz atópase un dos bosques máis antigos de Galicia, e unha área recreativa ideal para ir en familia. Agradecerás a tranquilidade que se respira, unha paraxe custodiada por aves e cabalos en liberdade onde poderás iniciar o teu próximo roteiro.

A Mámoa do Rei, preto do Lago de Castiñeiras, ou os petróglifos de Mogor, son a maior expresión da primeira arquitectura monumental da nosa vila hai 4.500 anos. Fai unha viaxe no tempo explorando a secretos da arte rupestre de Marín!

A mellor maneira de gozar é andando. A nosa paisaxe esconde moitos matices con varios roteiros que podes facer. Un deles, o máis espectacular, é o Roteiro dos Cinco Miradoiros, o noso balcón particular á ría con vistas de infarto.

Rememorar a historia permítenos coñecernos mellor, e a Festa Corsaria é, sen dúbida, un día grande para lembrar que en 1800 Marín venceu ás tropas inglesas na batalla de Aguete. Revive esa época entre concertos, piratas, talleres, exhibicións e mercados!